Рупка — археолошко наоѓалиште во битолското село Црничани. Претставува населба и некропола од римско време. Се наоѓа на околу 500 м западно од селото, на падините на Селечка Планина, од обете страни на патот за селото Дедебалци, каде на површина од околу 2 хектари, во неколку приватни ниви се откриени ѕидови градени од камен и варов малтер, а по површината се среќаваат фрагменти од керамички садови, питоси и множество градежен материјал. Исто така се откриени и гробови градени од камени плочи, мермерен столб со натпис и бронзени монети.